Kya aapko pata hai ke kuch aise bunyadi aqidah hain jo agar kisi Muslim ke paas na ya na janta ho ya amal nahi karta ho, to uska Imaan khatre me pad sakta hai?
Islam me sabse ahem bunyad Tauheed (Allah taala ki wahdaniyat) hai. Lekin iske saath saath aur bhi aise 10 aqidah hain jo har Muslim ke liye maanna zaroori hai. Agar koi in bunyadi aqidah ka inkar kare, to wo Islam ke daire se bahar ho sakta hai.
1) Allahu Ahad (Allah Ek Hai) – Tauheed in Islam
Tamam muslam ka aqidah hona chahiye ki Allah taala ek hai (Surah Ikhlas:1) aur Us ka koi Shareek (Uske jaisa koi doosra) nahi (Surah An’am:163). Na jaat me, na sifaat me, na af’aal(kaam) me, na ehkaam me (Surah Kahaf:26), na Asma’a me (Surah Maryam:65), wah Wajib-ul-Wajood hai, Uska hona jaruri hai. Us ka maujood na hona na-mumkin hai. Wah bahot pahle se hai. Yani Hamesha se hai. Aur wo hamesha rahega (Surah Al-Qasas:88) aur wahi is Layeq hai ki iski ibadat ki jaye (Surah Baqra:21).
2) Allahu Samad (Allah Be-Niyaz Hai) – Allah ki sifat
Wah be-parwah hai (Surah Ikhlas:2), yani use kisi cheez ki parwah nahi aur wo kisi ka mohtaj nahi, tamam jahan, Jahan me maujood harz ek cheez us ki mohtaj hai.
3) Allah Aqal Se Pare Hai – Islamic Beliefs
Uski jaat ko Aqal se jariya ahata nahi kiya ja sakta. Yani Allah taala ko aqal se nahi samjha ja sakta hai, kyuki aqal khud Allah taala ne banai hai to uski banai hui cheez se kaise use samjha ja sakta hai. Aur jo cheez aqal me aa jaye to la-mahdood kaise. Uski to ek had /limit ho jayegi aur Allah limitation se paak hai. Isliye use aqal se samajh muhaal/na-mumkin hai.
4) Sifat e Ilahi – Attributes of Allah in Islam
Uski Sifat na-ayen hai na gair, yani us ki Sifa’at khud wo nahi lakin us se juda bhi nahi. Is ko Yuh samjhe ki jaise phool se khusbu aati hai lakin Khusbu ko phool nahi kah sakte aur khusbu ko phool se juda bhi nahi kar sakte, jab se jab tak phool hai to Khusbu bhi rahegi.
5) Wo Hamesha Se Hai – Allah Eternal Hai
Isi tarah jaise us ki jaat hamesha wa hamesh rahi aur rahne wali hai isi tarah us ki Sifa’at bhi Hamesha wa hamesh se hai aur hamesha rahegi.
6) Sifat e Ilahi – Allah ki Qudrat
Uski Sifat koi makhlooq nahi ki jis ke jariye wo karwata ho, aur na hi koi Zer e Qudrat hai yani na wo kisi ke hukm se karta hai.
7) Hadis – Creation in Islam
Allah taala ki Jaat wa Sifat ke siwa sab cheej hadis hai yani pahle na thi fir hui. Yani sab cheezen baad me hui, Allah Taala Qadeem Hai yani pahle se tha.
8) Sifat e Ilahi Ko Hadis na janna aur makhlooq kahna
Sifat e Ilahi ko jo makhlooq kahe ya hadish (baad me hona) bataye wo gumrah aur bad-deen hai.
9) Koi Cheez Allah Se Pahle Na Thi – Tauheed Concept
Jo Alam (Duniya) me kisi cheej ko Qadeem (Muraad; Allah se pahle) jane aur hadoos (Muraad; Allah ke baad hone par) par Shaq kare, Kafir hai.
Na wo kisi ka beta (son) na kisi ka baap(father) (Surah Ikhlas:3) na us ke liye Bibi, jo us ko baap ya beta bataye ya us ke liye Bibi sabit kare wo kafir hai. Yaha tak ki jo kahe ki ye Allah ke liye mumkin hai to wo bhi gumra’h wa bad’deen hai.
Hawala: Bahar e Shariat : Jild 1 : Hissa 1 : Aqaid e Mutalaqa Jaat-o-Sifat e Ilahi
FAQs
Conclusion
Allah Taala ke ye 10 aqeedah har Muslim ke liye bunyadi ahmiyat rakhte hain. In basic Islamic beliefs ko samajhna aur un par yaqeen rakhna hi asal Imaan ki bunyad hai. Is liye har Muslim ko chahiye ke wo apna aqeedah strong kare aur Tauheed ko achi tarah samjhe.
