Ya Mustafa Ata Ho Phir Izn Hazri Ka – Beautiful Madina Hazri Naat

Ya Mustafa Ata Ho Phir Izn Hazri Ka
Kar Loon Nazara Aakar Phir Aap Ki Gali Ka

Ek Baar To Dikha Do Ramzan Mein Madina
Beshak Bana Lo Aaqa Mehman Do Ghadi Ka

Rota Hua Main Aaun Daagh-e-Jigar Dikhaun
Afsana Bhi Sunaun Main Apni Bekasi Ka

Main Sabz Sabz Gumbad Ki Dekh Loon Baharein
Ab Izn De Do Aaqa Phir Mujh Ko Hazri Ka

Maula Gham-e-Madina De De Gham-e-Madina
Deewana Tu Bana De Mujh Ko Tere Nabi Ka

Khoon-e-Jigar Se Seencha Hai Bagh-e-Sunniyat Ka
Kar Do Karam Waseela Us Madani Murshidi Ka

Ya Sayyid-e-Madina Bas Aap Hi Nibhana
Go Hoon Bara Kameena Par Hoon To Aap Hi Ka

Ya Mustafa Gunahon Ki Aadatein Nikalo
Jazba Mujhe Ata Ho Sunnat Ki Pairvi Ka

Hoon Door Ab Balayein Deta Hoon Wasta Main
Mazloom-e-Karbala Ki Sarkar Bekasi Ka

Allah Hubb-e-Duniya Se Tu Mujhe Bachana
Sail Hoon Ya Khuda Main Ishq-e-Muhammadi Ka

Dil Se Ghuroor Nikle Bahre Huzoor Nikle
Ya Rab Mujhe Bana De Paikar Tu Ajizi Ka

Imaan Pe Rabb-e-Rehmat De De Tu Istiqamat
Deta Hoon Wasta Main Tujh Ko Tere Nabi Ka

Ho Har Nafs Madina Dhadkan Mein Ho Madina
Jab Tak Na Saans Toote Sarkar Zindagi Ka

Duniya Ke Tajdaro Tum Se Mujhe Gharz Kya
Mangta Hoon Main To Mangta Sarkar Ki Gali Ka

Allah Is Se Pehle Imaan Pe Maut De De
Nuqsan Mere Sabab Se Ho Sunnat-e-Nabi Ka

Ulfat Ki Bheek De Do Deta Hoon Wasta Main
Siddiq Ka Umar Ka Usman Ka Ali Ka

Kuch Nekiyan Kamale Jald Aakhirat Banale
Koi Nahin Bharosa Ae Bhai Zindagi Ka

Meezan Pe Sab Khade Hain Aamaal Tul Rahe Hain
Rakh Lo Bharam Khudara Attar Qadri Ka