Roman Urdu
Wo Sue Lalazar Phirte Hai
Tere Din Aye Bahaar Phirte Hain
Jo Tere Dar Se Yaar Phirte Hain
Dar Badar Yun Hi Khaar Phirte Hain
Aah Kal Aish To Kiye Hum Ne
Aaj Woh Be-Qaraar Phirte Hain
Unke Eema Se Dono Baagon Par
Khail-e-Lail O Nahaar Phirte Hain
Har Charagh-e-Mazaar Par Qudsi
Kaise Parwana Waar Phirte Hain
Us Gali Ka Gada Hoon Main Jis Mein
Maangte Tajdaar Phirte Hain
Jaan Hain Jaan Kya Nazar Aaye
Kyun Adu Gird-e-Ghaar Phirte Hain
Phool Kya Dekhun Meri Aankhon Mein
Dasht-e-Tayyiba Ke Khaar Phirte Hain
Lakhon Qudsi Hain Kaam Khidmat Par
Lakhon Gird-e-Mazaar Phirte Hain
Vardiyan Bolte Hain Harkaaray
Pehra Dete Sawaar Phirte Hain
Rakhiye Jaise Hain Khanazad Hain Hum
Maula Ke Aibdaar Phirte Hain
Haaye Ghaafil Woh Kya Jagah Hai Jahan
Paanch Jaate Hain Chaar Phirte Hain
Baayein Raste Na Ja Musafir Sun
Maal Hai Raah Maar Phirte Hain
Jaag Sansaan Ban Hai Raat Aayi
Gurg Behr-e-Shikaar Phirte Hain
Nafs Ye Koi Chaal Hai Zalim
Jaise Khaasay Bijaar Phirte Hain
Koi Kyun Poochhe Teri Baat Raza
Tujh Se Kuttay Hazaar Phirte Hain
اردو
وہ سُوئے لالہ زار پِھرتے ہیں
تیرے دِن اے بہار پِھرتے ہیں
جو تِرے در سے یار پِھرتے ہیں
در بدر یُوں ہی خوار پِھرتے ہیں
آہ کل عیش تو کیے ہم نے
آج وہ بے قرار پِھرتے ہیں
ان کے اِیما سے دونوں باگوں پر
خیلِ لیل و نہار پِھرتے ہیں
ہر چراغِ مزار پر قُدسی
کیسے پروانہ وار پِھرتے ہیں
اُس گلی کا گدا ہوں میں جس میں
مانگتے تاجدار پِھرتے ہیں
جان ہیں جان کیا نظر آئے
کیوں عَدو گِردِ غار پِھرتے ہیں
پُھول کیا دیکھوں میری آنکھوں میں
دشتِ طیبہ کے خار پِھرتے ہیں
لاکھوں قُدسی ہیں کام خدمت پر
لاکھوں گِردِ مزار پِھرتے ہیں
وردیاں بولتے ہیں ہرکارے
پہرہ دیتے سوار پِھرتے ہیں
رکھیے جیسے ہیں خانہ زاد ہیں ہم
مَوْل کے عیب دار پِھرتے ہیں
ہائے غافِل وہ کیا جگہ ہے جہاں
پانچ جاتے ہیں چار پِھرتے ہیں
بائیں رستے نہ جا مسافِر سُن
مال ہے راہ مار پِھرتے ہیں
جاگ سنسان بن ہے رات آئی
گُرگ بہرِ شِکار پِھرتے ہیں
نفس یہ کوئی چال ہے ظالم
جیسے خاصے بِجار پِھرتے ہیں
کوئی کیوں پُوچھے تیری بات رضاؔ
تجھ سے کتّے ہزار پِھرتے ہیں
Is khoobsurat kalam ko sun’ne ke liye neeche di gayi video dekhiye.
Aapka Jazbaat Hamare Liye Qeemati Hai
Agar aapko yeh paakiza kalam pasand aaya, toh apne dil ke ehsaasat aur raaye zaroor hum tak pohunchayein.
Har comment hamare liye himmat aur dua ka sabab hai.
Apni duaon mein yaad rakhein. Allah Ta’ala hum sabko apne Habib ﷺ ki sachi mohabbat naseeb farmaaye.
✨ Neeche apna feedback likhna na bhoolen!
– Jazakallahu Khair / جزاک اللہ خیر –
