Sartaba Qadam Hai Tane Sultane Zaman Phool
Lab Phool, Dahan Phool, Zaqan Phool, Badan Phool
Sadqe Mein Tere Baagh To Kya Laye Hain Ban Phool
Is Ghuncha e Dil Ko Bhi To Eema Ho Ke Ban Phool
Tinka Bhi Hamare To Hilaye Nahin Hilta
Tum Chaho To Ho Jaye Abhi Kohe Mihan Phool
Wallah Jo Mil Jaye Mere Gul Ka Paseena
Maange Na Kabhi Itr Na Phir Chahe Dulhan Phool
Dil Basta O Khoon Ghushta Na Khushboo Na Latafat
Kyun Ghuncha Kahun Hai Mere Aaqa Ka Dahan Phool
Shab Yaad Thi Kin Daanton Ki Shabnam Ke Dam-e-Subh
Shaukhan-e-Bahari Ke Jarau Hain Kiran Phool
Dandan O Lab O Zulf O Rukhe Shaah Ke Fidaai
Hain Durre Adan, Laal e Yaman, Mushke Khutan Phool
Boo Ho Ke Nahan Ho Gaye Taab-e-Rukh-e-Shaah Mein
Lau Ban Gaye Hain Ab To Haseenon Ka Dahan Phool
Hon Baar-e-Gunah Se Na Khijal Dosh-e-Azizaan
Lillah Meri Nash Kar Aye Jaan-e-Chaman Phool
Dil Apna Bhi Shedai Hai Us Naakhun-e-Paa Ka
Itna Bhi Mah-e-No Pe Na Aye Charkh-e-Kuhan Phool
Dil Khol Ke Khoon Ro Le Gham-e-Aariz-e-Shaah Mein
Niklay To Kahin Hasrat-e-Khoon Naaba Shudan Phool
Kya Gaaza Mila Gard-e-Madina Ka Jo Hai Aaj
Nikhre Huye Jo Ban Mein Qayamat Ki Phaban Phool
Garmi Ye Qayamat Hai Ke Kaante Hain Zabaan Par
Bulbul Ko Bhi Aye Saqi-e-Sahba O Laban Phool
Hai Kaun Ke Giriya Kare Ya Fatiha Ko Aaye
Bekas Ke Uthaye Teri Rahmat Ke Bharan Phool
Dil Gham Tujhe Ghere Hain Khuda Tujh Ko Woh Chumkaye
Sooraj Tere Khirman Ko Bane Teri Kiran Phool
Kya Baat Raza Us Chamanistaan-e-Karam Ki
Zahra Hai Kali Jis Mein Hussain Aur Hasan Phool
Poet: Imam Ahmed Raza Khan
Sartaba Qadam Hai Lyrics Urdu
سر تا بقدم ہے تن سُلطانِ زَمن پھول
لب پھول دَہن پھول ذَقن پھول بدن پھول
صدقے میں تِرے باغ تو کیا لائے ہیں ’’بن‘‘ پھول
اِس غُنْچۂ دل کو بھی تو اِیما ہو کہ بن پھول
تنکا بھی ہمارے تو ہلائے نہیں ہلتا
تم چاہو تو ہو جائے ابھی کوہِ محن پھول
وَاللہ جو مِل جائے مِرے گل کا پسینہ
مانگے نہ کبھی عِطْر نہ پھر چاہے دُلہن پھول
دِل بستہ و خُوں گشتہ نہ خوشبُو نہ لطافت
کیوں غنچہ کہوں ہے مِرے آقا کا دَہن پھول
شب یاد تھی کن دانتوں کی شبنم کہ دَمِ صبح
شوخانِ بہاری کے جڑاؤ ہیں کرن پھول
دندان و لب و زلف و رُخِ شہ کے فِدائی
ہیں دُرِّ عدن ، لعلِ یمن ، مُشکِ ختن پھول
بو ہو کہ نہاں ہو گئے تابِ رُخِ شہ میں
لَو بن گئے ہیں اب تو حسینوں کا دہن پھول
ہوں بارِ گنہ سے نہ خجل دوشِ عزیزاں
لِلّٰہ مِری نعش کر اے جانِ چمن پھول
دِل اپنا بھی شیدائی ہے اس ناخنِ پا کا
اتنا بھی مہِ نو پہ نہ اے چرخ کُہن! پھول
دِل کھول کے خُوں رو لے غمِ عارضِ شہ میں
نکلے تو کہیں حسرتِ خوں نابہ شدن پھول
کیا غازہ مَلا گردِ مدینہ کا جو ہے آج
نِکھرے ہوئے جو بن میں قیامت کی پھبن پھول
گرمی یہ قیامت ہے کہ کانٹے ہیں زباں پر
بلبل کو بھی اے سَاقیٔ صہبَا و لبن پھول
ہے کون کہ گِریہ کرے یا فاتحہ کو آئے
بیکس کے اُٹھائے تِری رحمت کے بھرن پھول
دل غم تجھے گھیرے ہیں خدا تجھ کو وہ چمکائے
سُورج تِرے خرمن کو بنے تیری کرن پھول
کیا بات رضاؔ اُس چمنستانِ کرم کی
زہرا ہے کلی جس میں حُسین اور حسن پھول
YT | Sartaba Qadam Hai Tane Sultan e Zaman Phool
Aapka Jazbaat Hamare Liye Qeemati Hai
Agar aapko yeh paakiza kalam pasand aaya, toh apne dil ke ehsaasat aur raaye zaroor hum tak pohunchayein.
Har comment hamare liye himmat aur dua ka sabab hai.
Apni duaon mein yaad rakhein. Allah Ta’ala hum sabko apne Habib ﷺ ki sachi mohabbat naseeb farmaaye.
✨ Neeche apna feedback likhna na bhoolen!
– Jazakallahu Khair / جزاک اللہ خیر –
Pingback: Wo Kamal E Husn E Huzoor Hai - Meaning And Explanation