Tajdar e Haram Salam Lyrics

Tajdar E Haram Aye Shehenshah E Deen
Tum Pe Har Dam Karodon Durood-o-Salaam
Ho Karam Mujh Pe Ya Sultan e Deen
Tum Pe Har Dam Karodon Durood-o-Salaam

Door Reh Kar Na Dam Toot Jaaye Kahin
Kaash! Taiba Mein Ae Mere Maah-E-Mubeen
Dafn Hone Ko Mil Jaaye Do Gaz Zameen
Tum Pe Har Dam Karodon Durood-o-Salaam

Koi Husn-e-Amal Paas Mere Nahin
Phans Na Jaaun Qayamat Mein Maula Kahin
Ae Shafee-e-Umam, Laaj Rakhna Tumhein
Tum Pe Har Dam Karodon Durood-o-Salaam

Dono Aalam Mein Koi Bhi Tum Sa Nahin
Sab Haseenon Se Badh Kar Ke Tum Ho Haseen
Qasim-e-Rizq-e-Rabb-Ul-Ula Ho Tumhein
Tum Pe Har Dam Karodon Durood-o-Salaam

Fikr-e-Ummat Mein Raaton Ko Rote Rahe
Aasiyon Ke Gunaahon Ko Dhote Rahe
Tum Pe Qurban Jaaun Mere Mah-Jabeen
Tum Pe Har Dam Karodon Durood-o-Salaam

Phool Rahmat Ke Har Dam Lutaate Rahe
Yaan Gharibon Ki Bigri Banaate Rahe
Hauz-e-Kausar Pe Mat Bhool Jaana Kahin
Tum Pe Har Dam Karodon Durood-o-Salaam

Zulm, Kuffar Ke Hans Ke Sehte Rahe
Phir Bhi Har Aan Haq Baat Kehte Rahe
Kitni Mehnat Se Ki Tum Ne Tabligh-E-Deen
Tum Pe Har Dam Karodon Durood-o-Salaam

Maut Ke Waqt Kar Do Nigah-E-Karam
Kaash Is Shaan Se Yeh Nikal Jaaye Dam
Sang-e-Dar Par Tumhare Ho Meri Jabeen
Tum Pe Har Dam Karodon Durood-o-Salaam

Ab Madine Mein Hum Ko Bula Lijiye
Aur Seena Madina Bana Dijiye
Az-Paye Ghaus-e-Azam Imam-e-Mubeen
Tum Pe Har Dam Karodon Durood-o-Salaam

Ishq Se Tere Mamoor Seena Rahe
Lab Pe Har Dam “Madina Madina” Rahe
Bas Main Deewana Ban Jaaun Sultan-e-Deen
Tum Pe Har Dam Karodon Durood-o-Salaam

Door Ho Jaayen Duniya Ke Ranj-o-Alam
Ho Ata Apna Gham, Dijiye Chashm-e-Nam
Maal-o-Daulat Ki Kasrat Ka Talib Nahin
Tum Pe Har Dam Karodon Durood-o-Salaam

Ab Bula Lo Madine Mein Attar Ko
Apne Qadmon Mein Rakh Lo Gunahgaar Ko
Koi Is Ke Siwa Aarzu Hi Nahin
Tum Pe Har Dam Karodon Durood-O-Salaam