Kaabe Ke Badrudduja Tum Pe Karoron Durood | Full Lyrics | Beautiful Heart Touching Salam

Kaabe Ke Badrudduja Tum Pe Karoron Durood
Taiba Ke Shamsudduha Tum Pe Karodon Durood

Shafi-e-Roze Jaza Tum Pe Karoron Durood
Dafi-e-Jumla Bala Tum Pe Karoron Durood

Jaan O Dil-e-Asfiya Tum Pe Karoron Durood
Aab O Gil-e-Ambiya Tum Pe Karoron Durood

Laayen To Yeh Doosra Jis Ko Mila Doosra
Kooshk-e-Arsh O Dana Tum Pe Karoron Durood

Aur Koi Ghaib Kya Tum Se Nihaan Ho Bhala
Jab Na Khuda Hi Chhupa Tum Pe Karoron Durood

Toor Par Jo Shama Tha Chand Tha Saeer Ka
Nayyar-e-Faraan Hua Tum Pe Karoron Durood

Dil Karo Thanda Mera Woh Kaf-e-Pa Chand Sa
Seena Pe Rakh Do Zara Tum Pe Karodon Durood

Zaat Hui Intikhab Wasf Hue Lajawab
Naam Hua Mustafa Tum Pe Karoron Durood

Ghayat O Illat Sabab Bahr-e-Jahan Tum Ho Sab
Tum Se Bana Tum Bina Tum Pe Karoron Durood

Tum Se Jahan Ki Hayat Tum Se Jahan Ka Sabaat
Asl Se Hai Zill Bandha Tum Pe Karodon Durood

Maghz Ho Tum Aur Post Aur Hain Bahar Ke Dost
Tum Ho Daroon-e-Sara Tum Pe Karoron Durood

Kya Hain Jo Be Had Hain Louth Tum To Ho Ghais Aur Ghaus
Chheente Mein Ho Ga Bhala Tum Pe Karoron Durood

Tum Ho Hafeez O Mughis Kya Hai Woh Dushman Khabees
Tum Ho To Phir Khauf Kya Tum Pe Karoron Durood

Woh Shab-e-Meraj Raaj Woh Saf-e-Mehshar Ka Taaj
Koi Bhi Aisa Hua Tum Pe Karoron Durood

Nuhta Falah Al-Falah Ruhta Farah Al-Marah
Ud Liyaood Al-Hana Tum Pe Karoron Durood

Jaan O Jahan-e-Maseeh Daad Ke Dil Hai Jareeh
Nabzein Chhati Dam Chala Tum Pe Karodon Durood

Uf Woh Rah-e-Sanglaakh Aah Yeh Pa Shaakh Shaakh
Ae Mere Mushkil Kusha Tum Pe Karoron Durood

Tum Se Khula Bab-e-Jood Tum Se Hai Sab Ka Wujood
Tum Se Hai Sab Ki Baqa Tum Pe Karoron Durood

Khasta Hoon Aur Tum Ma’az Basta Hoon Aur Tum Malaz
Aagay Jo Shah Ki Raza Tum Pe Karoron Durood

Garche Hain Be Had Qusoor Tum Ho Afoo O Ghafoor
Bakhsh Do Jurm O Khata Tum Pe Karoron Durood

Mehr-e-Khuda Noor Noor Dil Hai Siyah Din Hai Door
Shab Mein Karo Chandna Tum Pe Karoron Durood

Tum Ho Shaheed O Baseer Aur Main Gunah Par Daleer
Khol Do Chashm-e-Haya Tum Pe Karoron Durood

Chheent Tumhari Sahar Chhoot Tumhari Qamar
Dil Mein Racha Do Ziya Tum Pe Karoron Durood

Tum Se Khuda Ka Zahoor Us Se Tumhara Zahoor
Lim Hai Yeh Woh In Hua Tum Pe Karoron Durood

Be Hunar O Be Tameez Kis Ko Hue Hain Azeez
Ek Tumhare Siwa Tum Pe Karodon Durood

Aas Hai Koi Na Paas Ek Tumhari Hai Aas
Bas Hai Yehi Aasra Tum Pe Karoron Durood

Taaram-e-Aala Ka Arsh Jis Kaf-e-Pa Ka Hai Farsh
Aankhon Pe Rakh Do Zara Tum Pe Karodon Durood

Kehne Ko Hain Aam O Khaas Ek Tumhein Ho Khalas
Band Se Kar Do Riha Tum Pe Karoron Durood

Tum Ho Shifa-e-Maraz Khalq-e-Khuda Khud Gharaz
Khalq Ki Hajat Bhi Kya Tum Pe Karoron Durood

Aah Woh Rah-e-Siraat Bandon Ki Kitni Bisaat
Almadad Ae Rahnuma Tum Pe Karodon Durood

Be Adab O Bad Lihaz Kar Na Saka Kuch Hifaz
Afu Pe Bhoola Raha Tum Pe Karodon Durood

Lo Tah-e-Daman Ke Shama Jhonkon Mein Hai Roz-e-Juma
Aandhiyon Se Hashr Utha Tum Pe Karoron Durood

Seena Ke Hai Daagh Daagh Keh Do Kare Baagh Baagh
Taiba Se Aakar Saba Tum Pe Karoron Durood

Gesu O Qad Laam Alif Kar Do Bala Munsarif
La Ke Teh-e-Tegh-e-La Tum Pe Karoron Durood

Tum Ne Barang-e-Falaq Jaib-e-Jahan Kar Ke Shaq
Noor Ka Tarka Kiya Tum Pe Karodon Durood

Nobat-e-Dar Hain Falaq Khadim-e-Dar Hain Malak
Tum Ho Jahan Badshah Tum Pe Karoron Durood

Khalq Tumhari Jameel Khulq Tumhara Jaleel
Khalq Tumhari Gada Tum Pe Karodon Durood

Taiba Ke Mah-e-Tamaam Jumla Rusul Ke Imam
Nausha-e-Mulk-e-Khuda Tum Pe Karoron Durood

Tum Se Jahan Ka Nizaam Tum Pe Karoron Salaam
Tum Pe Karoron Sana Tum Pe Karoron Durood

Tum Ho Jawad O Kareem Tum Ho Raoof O Raheem
Bheek Ho Data Ata Tum Pe Karodon Durood

Khalq Ke Hakim Ho Tum Rizq Ke Qasim Ho Tum
Tum Se Mila Jo Mila Tum Pe Karodon Durood

Nafi O Dafi Ho Tum Shafi O Rafi Ho Tum
Tum Se Bas Afzoon Khuda Tum Pe Karoron Durood

Shafi O Nafi Ho Tum Kaafi O Wafi Ho Tum
Dard Ko Kar Do Dawa Tum Pe Karoron Durood

Jaayen Na Jab Tak Ghulam Khuld Hai Sab Par Haraam
Mulk To Hai Aap Ka Tum Pe Karoron Durood

Mazhar-e-Haq Ho Tumhein Muzhir-e-Haq Ho Tumhein
Tum Mein Hai Zahir Khuda Tum Pe Karodon Durood

Zor Deh-e-Na Rasan Takiya Gah-e-Be Kasan
Badshah-e-Ma Wara Tum Pe Karoron Durood

Barse Karam Ki Bharan Phoolen Naim Ke Chaman
Aisi Chala Do Hawa Tum Pe Karodon Durood

Ek Taraf Aada-e-Deen Ek Taraf Hasideen
Banda Hai Tanha Shaha Tum Pe Karoron Durood

Kyun Kahoon Bekas Hoon Main Kyun Kahoon Bebas Hoon Main
Tum Ho Main Tum Par Fida Tum Pe Karoron Durood

Gande Nikkamme Kameen Mehange Hon Kodi Ke Teen
Kaun Humein Paalta Tum Pe Karoron Durood

Baat Na Dar Ke Kahin Ghaat Na Ghar Ke Kahin
Aise Tumhein Paalna Tum Pe Karoron Durood

Aison Ko Nemat Khilao Doodh Ke Sharbat Pilao
Aison Ko Aisi Ghiza Tum Pe Karodon Durood

Girne Ko Hoon Rok Lo Ghota Lage Haath Do
Aison Par Aisi Ata Tum Pe Karoron Durood

Apne Khatawaron Ko Apne Hi Daman Mein Lo
Kaun Kare Yeh Bhala Tum Pe Karoron Durood

Karke Tumhare Gunah Maange Tumhari Panah
Tum Kaho Daman Mein Aa Tum Pe Karoron Durood

Kar Do Adu Ko Tabah Hasidon Ko Roo Barah
Ahl-e-Wila Ka Bhala Tum Pe Karodon Durood

Hum Ne Khata Mein Na Ki Tum Ne Ata Mein Na Ki
Koi Kami Sarwara Tum Pe Karodon Durood

Kaam Ghazab Ke Kiye Us Pe Hai Sarkar Se
Bandon Ko Chashm-e-Raza Tum Pe Karoron Durood

Aankh Ata Kijiye Is Mein Ziya Dijiye
Jalwa Qareeb Aa Gaya Tum Pe Karoron Durood

Kaam Woh Le Lijiye Tum Ko Jo Raazi Kare
Theek Ho Naam-e-Raؔza Tum Pe Karoron Durood