Aaqa Ka Milad Aaya | Milad Kalam | Naat Lyrics

Chaaron Taraf Noor Chhaya.
Aaqa Ka Milad Aaya,
Khushiyo’n Ka Paighaam Laya,
Aaqa Ka Milad Aaya.

Shams O Qamar Aur Taare,
Kyun Na Hon Khush Aaj Saare.
Un Se Hi To Noor Paaya,
Aaqa Ka Milad Aaya.

Khushiyan Manaate Hain Wohi,
Dhoomein Mein Machate Hain Wohi.
Jin Par Hua Unka Saya,
Aaqa Ka Milad Aaya.

Hai Shaad Har Ek Musalmaan,
Karta Hai Ghar Ghar Chiraaghan.
Galiyo’n Ko Bhi Jagmaya,
Aaqa Ka Milad Aaya.

Mukhtar e Kul Maane Jo Unhein,
Noor-e-Bashar Jaanay Jo Unhein.
Naara Ussi Ne Lagaya,
Aaqa Ka Milad Aaya.

Jo Aaj Mehfil Mein Aaye,
Man Ki Muradein Paa Jaye.
Sab Par Karam Ho Khudaya,
Aaqa Ka Milad Aaya.

Ghaus-ul-Wara Aur Daata Ne,
Mere Raza Aur Khwaja Ne,
Sab Ne Hi Din Yeh Manaya,
Aaqa Ka Milad Aaya.

Naat-e-Nabi Tum Sunao,
Ishq-e-Nabi Ko Badhao.
Hum Ko Raza Ne Sikhaya,
Aaqa Ka Milad Aaya.

Jis Ko Shajar Jante Hain,
Kehna Hajar Mante Hain.
Aisa Nabi Hum Ne Paaya,
Aaqa Ka MiladAaya.

Dil Jagmagane Lage Hain,
Sab Muskuraane Lage Hain.
Ek Kaif Sa Aaj Chhaya,
Aaqa Ka Milad Aaya.

Kar Aye Ubaid Unki Mid’hat,
Tujh Par Khuda Ki Ho Rahmat.
Tu Ne Muqaddar Yeh Paaya,
Aaqa Ka Milad Aaya.