Unki Mahak Ne Dil Ke Gunche Khila Diye Hain Lyrics | Alahazrat Beautiful Naat

Unki Mahak Ne Dil Ke Ghunche Khila Diye Hain
Jis Raah Chal Gaye Hain Kooche Basa Diye Hain

Jab Aagayi Hain Joshe Rehmat Pe Unki Aankhein
Jalte Bujha Diye Hain Rote Hansa Diye Hain

Ek Dil Hamara Kya Hai Aazar Us Ka Kitna
Tum Ne To Chalte Phirte Murde Jila Diye Hain

Unke Nisar Koi Kaise Hi Ranj Mein Ho
Jab Yaad Aagaye Hain Sab Gham Bhula Diye Hain

Hum Se Faqeer Bhi Ab Pheri Ko Uthte Honge
Ab To Ghani Ke Dar Par Bistar Jama Diye Hain

Asra Mein Guzre Jis Dam Bede Pe Qudsiyon Ke
Hone Lagi Salami Parcham Jhuka Diye Hain

Aane Do Ya Dubo Do Ab To Tumhari Janib
Kashti Tumhein Pe Chhodi Langar Utha Diye Hain

Dulha Se Itna Keh Do Pyare Sawari Roko
Mushkil Mein Hain Barati Purkhar Badiye Hain

Allah Kya Jahannam Ab Bhi Na Sard Hoga
Ro Ro Ke Mustafa Ne Dariya Baha Diye Hain

Mere Kareem Se Gar Qatra Kisi Ne Manga
Dariya Baha Diye Hain Durr Be Baha Diye Hain

Mulke Sukhan Ki Shahi Tumko Raza Musallam
Jis Simt Aa Gaye Ho Sikke Bitha Diye Hain