Chehra Hai Ke Anware Do Alam Ka Saheefa Full Lyrics | Mohsin Naqvi Naat

Chehra Hai Ke Anware Do Alam Ka Saheefa
Ankhen Hain Ke Behrain-e-Taqaddus Ki Nageen Hain
Matha Hai Ke Wahdat Ki Tajalli Ka Waraq Hai
Aariz Hain Ke Walfajr Ki Aayat Ke Ameen Hain
Gesu Hain Ke Wallael Ke Bikhre Hue Saye
Abru Hain Ke Qausein-e-Shab-e-Qadr Khule Hain
Gardan Hai Ke Bar Farq-e-Zameen Aouj-e-Suraiyya
Lab Surat-e-Yaqoot Shuaon Mein Dhule Hain
Qad Hai Ke Nabuwat Ke Khad-o-Khaal Ka Mayar
Bazu Hain Ke Tauheed Ki Azmat Ke Alam Hain
Seena Hai Ramz-e-Dil-e-Hasti Ka Khazeena
Palken Hain Ke Alfaaz-e-Rukh-e-Lauh-o-Qalam Hain
Baten Hain Ke Tooba Ki Chatakti Hui Kaliyan
Lehja Hai Ke Yazdan Ki Zuban Bol Rahi Hai
Khutbe Hain Ke Sawan Ke Umadte Hue Dariya
Qiraat Hai Ke Asraar-e-Jahan Khol Rahi Hai
Yeh Daant Yeh Sheraza-e-Shabnam Ke Tarashe
Yaqoot Ki Wadi Mein Chamakte Hue Heere
Sharminda-e-Taab-e-Lab-o-Dandaan-e-Payambar
Harf-e-Ba Sana Khani-o-Khama Ba Sareere
Yeh Mauj-e-Tabassum Hai Ke Rangon Ki Dhanak Hai
Yeh Aks-e-Matanat Hai Ke Thehra Hua Mausam
Yeh Shukr Ke Sajde Hain Ke Ayaat Ki Tanzeel
Yeh Ankh Ke Aansu Hain Ke Ilhaam Ki Rimjhim
Yeh Hath Yeh Qaunain Ki Taqdeer Ke Auraaq
Yeh Khat Yeh Khad-o-Khaal-e-Rukh-e-Mushaf-o-Injeel
Yeh Paaon Yeh Mahtab Ki Kirnon Ke Maabid
Yeh Naqsh-e-Qadam Bosa Gah-e-Rafraf-o-Jibreel
Yeh Rifat-e-Dastaar Hai Ya Auj-e-Takhayyul
Yeh Band-e-Qaba Hai Ke Shagufta Gul-e-Naheed
Yeh Saya-e-Daman Hai Phela Hua Badal
Yeh Subh-e-Girebaan Hai Ke Khamyaza-e-Khursheed
Yeh Dosh-e-Pa Chadar Hai Ke Bakhshish Ki Ghata Hai
Yeh Mohr-e-Nabuwat Hai Naqsh-e-Dil-e-Mehtab
Rukhsaar Ki Zau Hai Ke Namu Subh-e-Azal Ki
Aankhon Ki Malahat Hai Ke Roye Shab-e-Kam-Khwaab
Woh Ilm Ke Quran Ka Teri Itrat Ka Qaseeda
Woh Hilm Ke Dushman Ko Bhi Umeed-e-Karam Hai
Woh Sabr Ke Shabbeer Teri Shaakh-e-Samar Daar
Woh Zabt Ke Jis Zabt Mein Irfaan-o-Umam Hai
Aurang-e-Suleman Teri Nalain Ka Khaka
Ejaz-e-Maseeha Teri Bikhri Hui Khushbu
Husn-e-Yad-e-Beiza Teri Dehleez Ki Kheraat
Qaunain Ki Saj-Dhaj Teri Araaish-e-gesu
Sar-Chashma-e-Kausar Tere Seene Ka Paseena
Saya Teri Deewar Ka Meyar-e-Iram Hai
Zarre Teri Mah-o-Anjaam-e-Aflaak
Suraj Tere Rahvaar Ka Ik Naqsh-e-Qadam Hai
Zahir Ho To Har Barg-e-Gul-e-Tar Teri Khushbu
Ghayab Ho To Duniya Ko Sarapa Nahi Milta
Woh Ism Ke Jis Ism Ko Lab Choom Lein Har Baar
Woh Jism Ke Suraj Ko Bhi Saya Nahi Milta
Haidar Teri Haibat Hai To Hasnain Tera Husn
Ashaab Wafadar To Naib Tere Masool
Salma Teri Ismat To Khadeeja Teri Tauqeer
Zahra Teri Qismat Hai To Zainab Tera Maqsool
Kis Rang Se Tarteeb Tujhe Dijiye Aaqa
Tanveer Ki Tasveer Tasavvur Ke Musavvir
Kis Naam Se Imdaad Talab Kijiye Tujh Se
Yaseen Ke Taaha Muzammil Ke Mudassir
Maidan Tere Buzar Ki Hukoomat Ke Muzafaat
Kohsaar Tere Qanbar-o-Salman RA Ke Basere
Sehra Tere Habshi Ki Mohabbat Ke Musalle
Gulzar Tere Meesam-o-Miqdaad Ke Daire
Zehen Mein Aaye Ke Tu Utra Tha Kahan Se
Kya Koi Bataye Ke Teri Sarhad Hai Kahan Tak
Pohnchi Hai Jahan Par Tere Nalain Ki Matti
Khakistar-e-Jibreel Bhi Pohnche Na Wahan Tak
Ae Fikr-e-Mukammal Rukh-e-Fitrat Lab-e-Aalam
Ae Haadi-e-Kull Khatm-e-Rusul Rehmat-e-Peham
Ae Waqif-e-Meraaj-e-Bashar Waris-e-Qaunain
Ae Maqsad-e-Takhleeq-e-Zamaan Husn-e-Mujassam
Ae Baaes-e-Aaeen-e-Shab-o-Roz-e-Khalaeq
Ae Halqa-e-Arwah-e-Muqaddas Ke Payambar
Ae Tajwar-e-Bazm-e-Shariyat Mere Aaqa
Ae Aarif-e-Meraaj-e-Bashar Sahib-e-Mimbar
Ae Shakir-e-Mashkoor-o-Shakeel-e-Shab-e-Aalam
Ae Nasir-o-Mansoor-o-Naseer-e-Dil-e-Insaan
Ae Shahid-o-Mashood-o-Shaheed-e-Rukh-e-Tauheed
Ae Naazir-o-Manzoor-o-Naseer-e-Lab-e-Yazdaan
Ae Yousaf-o-Yaqoob Ki Umeed Ke Mehwar
Ae Baab-e-Munajaat-e-Yunus-o-Idrees
Ae Nooh Ki Kashti Ke Liye Sahil-e-Taskeen
Ae Qibla-e-Hajat-e-Suleman Shah-e-Bilqees
Sochen To Khudai Teri Marhoon-e-Tasavvur
Dekhen To Khudai Se Har Andaaz Juda Hai
Yeh Kaam Bashar Ka Hai Na Jibreel Ke Bas Mein
Tum Khud Hi Batao Ae Mere Aaqa Ke Tum Kya Hao