Roman Urdu
Sunte Hain Ke Mahshar Mein Sirf Un Ki Rasai Hai
Gar Un Ki Rasai Hai, Lo Jab To Ban Aai Hai
Machla Hai Ke Rahmat Ne Umeed Bandhai Hai
Kya Baat Teri Mujrim Kya Baat Banai Hai
Sab Ne Saf E Mahshar Mein Lalkar Diya Hum Ko
Ae Be Kason Ke Aaqa Ab Teri Duhai Hai
Yoon To Sab Unhi Ka Hai Par Dil Ki Agar Poochho
Ye Toote Hue Dil Hi Khaas Un Ki Kamai Hai
Zair Gaye Bhi Kab Ke Din Dhalne Pe Hai Pyare
Uth Mere Akele Chal Kya Dair Lagai Hai
Bazaar E Amal Mein To Sauda Na Bana Apna
Sarkar Karam Tujh Mein Aybi Ki Samai Hai
Girte Huon Ko Mujda Sajde Mein Gire Maula
Ro Ro Ke Shafaat Ki Tamheed Uthai Hai
Ae Dil Ye Silagna Kya Jalna Hai To Jal Bhi Uth
Dam Ghatne Laga Zalim Kya Dhuni Ramai Hai
Mujrim Ko Na Sharmao Ahabab Kafan Dhak Do
Munh Dekh Ke Kya Hoga Parday Mein Bhalai Hai
Ab Aap Hi Sambhalen To Kaam Apne Sambhal Jayen
Hum Ne To Kamai Sab Khailon Mein Ganwai Hai
Ae Ishq Tere Sadqe Jalne Se Chhute Saste
Jo Aag Bujha De Gi Wo Aag Lagai Hai
Hirs O Hawas E Bad Se Dil Tu Bhi Sitam Kar Le
Tu Hi Nahin Begana Duniya Hi Parai Hai
Hum Dil Jale Hain Kis Ke Hat Fitnon Ke Par Kaale
Kyun Phoonk Dun Ik Uf Se Kya Aag Lagai Hai
Tayba Na Sahi Afzal Makka Hi Bara Zahid
Hum Ishq Ke Bande Hain Kyun Baat Barhai Hai
Matla Mein Ye Shak Kya Tha Wallah Raza Wallah
Sirf Un Ki Rasai Hai Sirf Un Ki Rasai Hai
اردو
سُنتے ہیں کہ محشر میں صرف اُن کی رَسائی ہے
گر اُن کی رَسائی ہے لو جب تو بن آئی ہے
مچلا ہے کہ رحمت نے اُمید بندھائی ہے
کیا بات تِری مجرم کیا بات بَنائی ہے
سب نے صف محشر میں لَلکار دیا ہم کو
اے بے کسوں کے آقا اب تیری دُہائی ہے
یُوں تو سب اُنہیں کا ہے پَر دل کی اگر پوچھو
یہ ٹُوٹے ہوئے دِل ہی خاص اُن کی کمائی ہے
زائر گئے بھی کب کے دِن ڈَھلنے پہ ہے پیارے
اُٹھ میرے اَکیلے چل کیا دیر لگائی ہے
بازارِ عمل میں تو سودا نہ بنا اپنا
سرکار کرم تجھ میں عیبی کی سمَائی ہے
گرتے ہووں کو مژدہ سجدے میں گِرے مولیٰ
رو رو کے شفاعت کی تمہید اُٹھائی ہے
اے دل یہ سلگنا کیا جلنا ہے تو جل بھی اُٹھ
دَم گھٹنے لگا ظالِم کیا دُھونی رَمائی ہے
مجرم کو نہ شرماؤ احباب کفن ڈَھک دو
مُنھ دیکھ کے کیا ہو گا پردے میں بھلائی ہے
اب آپ ہی سنبھالیں تو کام اپنے سنبھل جائیں
ہم نے تو کمائی سب کھیلوں میں گنوائی ہے
اے عشق تِرے صَدقے جلنے سے چُھٹے سَستے
جو آگ بجھا دے گی وہ آگ لگائی ہے
حرص و ہوسِ بَد سے دل تُو بھی سِتَم کر لے
تُو ہی نہیں بے گانہ دُنیا ہی پَرائی ہے
ہم دِل جلے ہیں کس کے ہٹ فتنوں کے پر کالے
کیوں پُھونک دُوں اِک اُف سے کیا آگ لگائی ہے
طیبہ نہ سہی اَفضل مَکّہ ہی بڑا زاہِد
ہم عِشق کے بندے ہیں کیوں بات بڑھائی ہے
مَطْلَع میں یہ شک کیا تھا واللہ رضاؔ واللہ
صرف اُن کی رَسائی ہے صرف اُن کی رَسائی ہے
Is khoobsurat kalam ko sun’ne ke liye neeche di gayi video dekhiye.
Aapka Jazbaat Hamare Liye Qeemati Hai
Agar aapko yeh paakiza kalam pasand aaya, toh apne dil ke ehsaasat aur raaye zaroor hum tak pohunchayein.
Har comment hamare liye himmat aur dua ka sabab hai.
Apni duaon mein yaad rakhein. Allah Ta’ala hum sabko apne Habib ﷺ ki sachi mohabbat naseeb farmaaye.
✨ Neeche apna feedback likhna na bhoolen!
– Jazakallahu Khair / جزاک اللہ خیر –
Pingback: Ye Dil Teri Yaadon Se Mahekta Hi Rahega Lyrics | Naat - Islam Is The Great