Subha Taiba Mein Hui Batta Hai Bara Noor Ka
Sadqa Lene Noor Ka Aaya Hai Tara Noor Ka
Bagh e Taiba Mein Suhana Phool Phoola Noor Ka
Mast Boo Hain Bulbulen Padhti Hain Kalma Noor Ka
Baarhwi Ke Chand Ka Mujra Hai Sajda Noor Ka
Barah Burjon Se Jhuka Ek Ek Sitara Noor Ka
Un Ke Qasr e Qadr Se Khuld Ek Kamrah Noor Ka
Sidra Payen Bagh Mein Nanha Sa Pauda Noor Ka
Arsh Bhi Firdaus Bhi Us Shah e Wala Noor Ka
Yeh Musamman Burj Woh Mushku e Aala Noor Ka
Aayi Bid’at Chhayi Zulmat Rang Badla Noor Ka
Mah e Sunnat Mehr e Talat Le Le Badla Noor Ka
Tere Hi Mathe Raha Ae Jaan Sehra Noor Ka
Bakht Jaaga Noor Ka Chamka Sitara Noor Ka
Main Gada Tu Badshah Bhar De Piyala Noor Ka
Noor Din Doona Tera De Daal Sadqa Noor Ka
Teri Hi Janib Hai Paanchon Waqt Sajda Noor Ka
Rukh Hai Qibla Noor Ka Abroo Hai Kaaba Noor Ka
Pusht Par Dhalka Sar e Anwar Se Shamla Noor Ka
Dekhen Musa Toor Se Utra Sahifa Noor Ka
Taaj Wale Dekh Kar Tera Imamah Noor Ka
Sar Jhukate Hain Ilahi Bol Bala Noor Ka
Beeni e Pur Noor Par Rakhshan Hai Bukka Noor Ka
Hai Liwa-ul-Hamd Par Udta Pharera Noor Ka
Mus-haf e Ariz Par Hai Khatte Shafi’ah Noor Ka
Lo Siyah Karo Mubarak Ho Qabala Noor Ka
Aab e Zar Banta Hai Ariz Par Paseena Noor Ka
Mus-hafe Ejaz Par Chadhta Hai Sona Noor Ka
Pech Karta Hai Fida Hone Ko Lam’ah Noor Ka
Gard e Sar Phirne Ko Banta Hai Imamah Noor Ka
Haibat e Ariz Se Tharata Hai Shu’lah Noor Ka
Kafsh e Pa Par Gir Ke Ban Jata Hai Guppha Noor Ka
Shama Dil Mishkat Tan Seena Zujajah Noor Ka
Teri Surat Ke Liye Aaya Hai Surah Noor Ka
Mail Se Kis Darja Suthra Hai Woh Putla Noor Ka
Hai Gale Mein Aaj Tak Kora Hi Kurta Noor Ka
Tere Aage Khaak Par Jhukta Hai Matha Noor Ka
Noor Ne Paya Tere Sajde Se Seema Noor Ka
Tu Hai Saya Noor Ka Har Uzw Tukda Noor Ka
Saya Ka Saya Na Hota Hai Na Saya Noor Ka
Kya Bana Naam e Khuda Asra Ka Dulha Noor Ka
Sar Pe Sehra Noor Ka Bar Mein Shahana Noor Ka
Bazm e Wahdat Mein Maza Hoga Dobala Noor Ka
Milne Shama e Toor Se Jata Hai Ikka Noor Ka
Wasf e Rukh Mein Gati Hain Hooren Tarana Noor Ka
Qudrati Beenon Mein Kya Bajta Hai Lehra Noor Ka
Yeh Kitab e Kun Mein Aaya Turfa Aayah Noor Ka
Ghair e Qail Kuch Na Samjha Koi Ma’na Noor Ka
Dekhne Walon Ne Kuch Dekha Na Bhala Noor Ka
Man Ra’a Kaisa Yeh Aaina Dikhaya Noor Ka
Subha Kar Di Kufr Ki Sachcha Tha Muzdah Noor Ka
Shaam Hi Se Tha Shab e Teerah Ko Dhadka Noor Ka
Padti Hai Noori Bharan Umda Hai Dariya Noor Ka
Sar Jhuka Ae Kashti e Kufr Aata Hai Ahla Noor Ka
Naariyon Ka Daur Tha Dil Jal Raha Tha Noor Ka
Tum Ko Dekha Ho Gaya Thanda Kaleja Noor Ka
Naskh Adyan Kar Ke Khud Qabza Bithaya Noor Ka
Taajwar Ne Kar Liya Kachcha Ilaaqa Noor Ka
Jo Gada Dekho Liye Jata Hai Toda Noor Ka
Noor Ki Sarkar Hai Kya Is Mein Toda Noor Ka
Bheek Le Sarkar Se La Jald Kaasa Noor Ka
Mah e Nau Taiba Mein Batta Hai Maheena Noor Ka
Dekh Un Ke Hote Na-Zeba Hai Da’wa Noor Ka
Mehr Likh De Yaan Ke Zarron Ko Muchalka Noor Ka
Yaan Bhi Daagh e Sajda e Taiba Hai Tamgha Noor Ka
Ae Qamar Kya Tere Hi Mathe Hai Teeka Noor Ka
Shama Saan Ek Ek Parwana Hai Is Ba Noor Ka
Noor e Haq Se Lo Lagaye Dil Mein Rishta Noor Ka
Anjuman Wale Hain Anjum Bazm Halqa Noor Ka
Chand Par Taron Ke Jhurmat Se Hai Halah Noor Ka
Noor, Bint e Noor, Zauj e Noor, Umm e Noor-o-Noor
Noor e Mutlaq Ki Kaneez Allah Re Lehna Noor Ka
Teri Nasl e Paak Mein Hai Bachcha Bachcha Noor Ka
Tu Hai Ain e Noor Tera Sab Gharana Noor Ka
Noor Ki Sarkar Se Paya Doshala Noor Ka
Ho Mubarak Tum Ko Zun-Noorain Joda Noor Ka
Kis Ke Parde Ne Kiya Aaina Andha Noor Ka
Mangta Phirta Hai Aankhen Har Nageena Noor Ka
Ab Kahan Woh Tabishein Kaisa Woh Tadka Noor Ka
Mehr Ne Chhup Kar Kiya Khasa Dhundhalka Noor Ka
Tum Muqabil The To Pehron Chand Badhta Noor Ka
Tum Se Chhut Kar Munh Nikal Aaya Zara Sa Noor Ka
Qabr e Anwar Kahiye Ya Qasr e Mualla Noor Ka
Charkh e Atlas Ya Koi Sada Sa Qubbah Noor Ka
Aankh Mil Sakti Nahin Dar Par Hai Pehra Noor Ka
Taab Hai Be Hukm Par Mare Parindah Noor Ka
Naz’a Mein Lautega Khaak e Dar Pe Shaida Noor Ka
Mar Ke Odhhegi Aroos e Jaan Dupatta Noor Ka
Taab e Mehr e Hashr Se Chaunke Na Kushta Noor Ka
Boondiyan Rehmat Ki Dene Aayen Chheenta Noor Ka
Waz’ e Wazi’ Mein Teri Surat Hai Ma’ni Noor Ka
Yun Majazan Chahen Jis Ko Keh Dein Kalma Noor Ka
Ambiya Ajza Hain Tu Bilkul Hai Jumla Noor Ka
Is Ilaaqe Se Hai Un Par Naam Sachcha Noor Ka
Yeh Jo Mehr-o-Mah Pe Hai Itlaq Aata Noor Ka
Bheek Tere Naam Ki Hai Istiarah Noor Ka
Surmagi Ankhen Hareem e Haq Ke Woh Mushkeen Ghazaal
Hai Fazae La Makaan Tak Jin Ka Ramna Noor Ka
Taab e Husn e Garm Se Khul Jayenge Dil Ke Kanwal
Nau Baharen Layega Garmi Ka Jhalka Noor Ka
Zarre Mehr e Quds Tak Tere Tawassut Se Gaye
Hadd e Ausat Ne Kiya Sughra Ko Kubra Noor Ka
Sabza e Gardoon Jhuka Tha Bahr e Pa Bos e Buraq
Phir Na Seedha Ho Saka Khaya Woh Koda Noor Ka
Taab e Sam Se Chaundhiya Kar Chand Unhein Qadmon Phira
Hans Ke Bijli Ne Kaha Dekha Chhalawa Noor Ka
Deed e Naqsh e Sum Ko Nikli Saat Pardon Se Nigah
Putliyan Bolin Chalo Aaya Tamasha Noor Ka
Aks e Sum Ne Chand Sooraj Ko Lagaye Chaar Chand
Pad Gaya Seem-o-Zar e Gardoon Par Sikka Noor Ka
Chand Jhuk Jata Jidhar Ungli Uthate Mahd Mein
Kya Hi Chalta Tha Isharon Par Khilona Noor Ka
Ek Seena Tak Mushabah Ek Wahan Se Paon Tak
Husn e Sibtain Un Ke Jaamon Mein Hai Neema Noor Ka
Saaf Shakl e Paak Hai Donon Ke Milne Se Ayaan
Khat Tawam Mein Likha Hai Yeh Do Waraqa Noor Ka
Ka Gesu, Ha Dahan, Ya Abroo, Aankhen Ain Sad
Kaaf Ha Ya Ain Sad Un Ka Hai Chehra Noor Ka
Ae Raza Yeh Ahmad e Noori Ka Faiz e Noor Hai
Ho Gai Meri Ghazal Badh Kar Qasida Noor Ka
Poet: Ala Hazrat Imam Ahmed Raza Khan
Subha Taiba Mein Hui Lyrics In Urdu
صبح طیبہ میں ہوئی بٹتا ہے باڑا نور کا
صدقہ لینے نور کا آیا ہے تارا نور کا
باغِ طیبہ میں سہانا پھول پھولا نور کا
مستِ بو ہیں بلبلیں پڑھتی ہیں کلمہ نور کا
بارہویں کے چاند کا مُجرا ہے سجدہ نور کا
بارہ بُرجوں سے جھکا ایک اِک سِتارہ نور کا
ان کے قَصْرِ قَدْر سے خُلْد ایک کمرہ نور کا
سِدْرَہ پائیں باغ میں ننھا سا پودا نور کا
عرش بھی فِردوس بھی اس شاہِ والا نور کا
یہ مُثَمَّن بُرج وہ مُشکُوئے اَعلیٰ نور کا
آئی بدعت چھائی ظلمت رنگ بدلا نور کا
ماہِ سُنّت مِہْرِ طَلْعت لے لے بدلا نور کا
تیرے ہی ماتھے رہا اے جان سہرا نور کا
بخت جاگا نور کا چمکا ستارا نور کا
میں گدا تو بادشاہ بھر دے پیالہ نور کا
نور دن دُونا تِرا دے ڈال صدقہ نور کا
تیری ہی جانب ہے پانچوں وقت سجدہ نور کا
رُخ ہے قبلہ نور کا اَبرو ہے کعبہ نور کا
پُشت پر ڈَھلکا سرِ انور سے شَمْلَہ نور کا
دیکھیں موسیٰ طُور سے اُترا صَحِیفہ نور کا
تاج والے دیکھ کر تیرا عِمامہ نور کا
سر جھکاتے ہیں الٰہی بول بالا نور کا
بِینیِ پُرنور پر رَخشاں ہے بُکّہ نور کا
ہے لِوَاءُ الْحَمْد پر اُڑتا پھَریرا نور کا
مُصْحَفِ عارِض پہ ہے خطِ شَفِیْعَہ نور کا
لو سِیَہ کارو مبارک ہو قَبَالَہ نور کا
آبِ زر بنتا ہے عارِض پر پسینہ نور کا
مُصْحَفِ اِعجاز پر چڑھتا ہے سونا نور کا
پیچ کرتا ہے فدا ہونے کو لَمْعَہ نور کا
گردِ سر پھرنے کو بنتا ہے عِمامَہ نور کا
ہیبت عارض سے تھراتا ہے شعلہ نور کا
کَفشِ پا پر گر کے بن جاتا ہے گُپّھا نور کا
شمع دل مِشکوٰۃ تن سینہ زُجا جَہ نور کا
تیری صورت کے لئے آیا ہے سُورہ نور کا
مَیل سے کس درجہ ستھرا ہے وہ پُتلا نور کا
ہے گلے میں آج تک کورا ہی کُرتا نور کا
تیرے آگے خاک پر جھکتا ہے ماتھا نور کا
نور نے پایا تِرے سجدے سے سِیْما نور کا
تو ہے سایہ نور کا ہر عُضْو ٹکڑا نور کا
سایہ کا سایہ نہ ہوتا ہے نہ سایہ نور کا
کیا بَنا نامِ خدا اَسرا کا دولہا نور کا
سر پہ سہرا نور کا بَر میں شَہانہ نور کا
بزمِ وَحْدَت میں مزا ہو گا دوبالا نور کا
ملنے شمعِ طور سے جاتا ہے اِکّا نور کا
وصفِ رخ میں گاتی ہیں حوریں ترانہ نور کا
قدرتی بِینوں میں کیا بجتا ہے لَہْرا نور کا
یہ کتابِ کُن میں آیا طُرفہ آیَہ نور کا
غیرِ قائل کچھ نہ سمجھا کوئی معنیٰ نور کا
دیکھنے والوں نے کچھ دیکھا نہ بھالا نور کا
مَنْ رَاٰی کیسا یہ آئینہ دکھایا نور کا
صبح کر دی کفر کی سچا تھا مُژدہ نور کا
شام ہی سے تھا شبِ تِیرہ کو دھڑکا نور کا
پڑتی ہے نوری بھرن امڈا ہے دریا نور کا
سر جھکا اے کِشْتِ کفر آتا ہے اَہلا نور کا
ناریوں کا دور تھا دل جل رہا تھا نور کا
تم کو دیکھا ہو گیا ٹھنڈا کلیجا نور کا
نَسْخ اَدیاں کر کے خود قبضہ بٹھایا نور کا
تاجْور نے کر لیا کچا علاقہ نور کا
جو گدا دیکھو لیے جاتا ہے توڑا نور کا
نور کی سرکار ہے کیا اس میں توڑا نور کا
بھیک لے سرکار سے لا جلد کاسہ نور کا
ماہِ نو طیبہ میں بٹتا ہے مہینہ نور کا
دیکھ ان کے ہوتے نازیبا ہے دعویٰ نور کا
مِہْر لکھ دے یاں کے ذرّوں کو مُچَلْکا نور کا
یاں بھی داغِ سجدۂ طَیبہ ہے تَمغا نور کا
اے قمر کیا تیرے ہی ماتھے ہے ٹِیکا نور کا
شمع ساں ایک ایک پروانہ ہے اس با نور کا
نورِ حق سے لو لگائے دل میں رشتہ نور کا
اَنجمن والے ہیں اَنجم بَزم حلقہ نور کا
چاند پر تاروں کے جھرمَٹ سے ہے ہالہ نور کا
نور ، بنتِ نور ، زوجِ نور ، اُمِ نور و نور
نورِ مطلق کی کنیز ، اللہ رے لہنا نور کا
تیری نسلِ پاک میں ہے بچہ بچہ نور کا
تو ہے عینِ نور تیرا سب گھرانا نور کا
نور کی سرکار سے پایا دوشالہ نور کا
ہو مبارک تم کو ذُو النُّوْرَیْن جوڑا نور کا
کس کے پردے نے کیا آئینہ اندھا نور کا
مانگتا پھرتا ہے آنکھیں ہر نگینہ نور کا
اب کہاں وہ تابِشیں کیسا وہ تڑکا نور کا
مِہْر نے چھپ کر کیا خاصا دُھنْدَلْکا نور کا
تم مُقابِل تھے تو پہروں چاند بڑھتا نور کا
تم سے چھٹ کر منھ نکل آیا ذرا سا نور کا
قبرِ انور کہیے یا قصرِ مُعلّٰے نور کا
چَرخِ اَطلَس یا کوئی سادہ سا قُبّہ نور کا
آنکھ مِل سکتی نہیں در پر ہے پہرا نور کا
تاب ہے بے حکم پَر مارے پرندہ نور کا
نَزع میں لوٹے گا خاکِ در پہ شیدا نور کا
مَر کے اوڑھے گی عَروسِ جاں دوپٹا نور کا
تابِ مِہرِ حشر سے چونکے نہ کُشْتہ نور کا
بوندیاں رحمت کی دینے آئیں چھینٹا نور کا
وضْعِ واضع میں تِری صورت ہے معنی نور کا
یوں مَجازاً چاہیں جس کو کہہ دیں کلمہ نور کا
اَنبیا اَجزا ہیں تو بالکل ہے جملہ نور کا
اس علاقے سے ہے اُن پر نام سچا نور کا
یہ جو مِہر و مَہ پہ ہے اِطلاق آتا نور کا
بھیک تیرے نام کی ہے اِستِعارَہ نور کا
سُرمَگیں آنکھیں حَریمِ حق کے وہ مُشکِیں غَزال
ہے فضائے لامکاں تک جن کا رَمنا نور کا
تابِ حُسنِ گرم سے کھل جائیں گے دل کے کَنول
نو بہاریں لائے گا گرمی کا جھلکا نور کا
ذرّے مِہرِ قُدس تک تیرے تَوَسُّط سے گیے
حدِّ اَوسَط نے کیا صُغریٰ کو کُبریٰ نور کا
سبزۂ گَردوں جھکا تھا بہرِ پا بوسِ بُراق
پھر نہ سیدھا ہو سکا کھایا وہ کوڑا نور کا
تابِ سم سے چوندھیا کر چاند اُنھیں قدموں پھرا
ہنس کے بجلی نے کہا دیکھا چھلاوا نور کا
دیدِ نقشِ سُم کو نکلی سات پَردوں سے نگاہ
پُتلیاں بولیں چلو آیا تماشا نور کا
عکسِ سم نے چاند سُورج کو لگائے چار چاند
پڑگیا سِیم و زرِ گَردوں پہ سکہ نور کا
چاند جھک جاتا جِدھر اُنگلی اٹھاتے مَہد میں
کیا ہی چلتا تھا اشاروں پر کھلونا نور کا
ایک سینہ تک مُشابہ اک وہاں سے پاؤں تک
حُسنِ سِبطَین ان کے جاموں میں ہے نِیْما نور کا
صاف شکلِ پاک ہے دونوں کے ملنے سے عِیاں
خط تَواَم میں لکھا ہے یہ دو۲ وَرقہ نور کا
کٓ گیسو ٰ ہ دَہن یٰ ابرو آنکھیں عٓ صٓ
کٓھٰیٰعٓصٓ اُن کا ہے چہرہ نور کا
اے رضاؔ یہ احمدِ نوری کا فیضِ نور ہے
ہوگئی میری غَزل بڑھ کر قصیدہ نور کا
YT Video | Complete Qasida e Noor | Rafique Raza Qadri
Aapka Jazbaat Hamare Liye Qeemati Hai
Agar aapko yeh paakiza kalam pasand aaya, toh apne dil ke ehsaasat aur raaye zaroor hum tak pohunchayein.
Har comment hamare liye himmat aur dua ka sabab hai.
Apni duaon mein yaad rakhein. Allah Ta’ala hum sabko apne Habib ﷺ ki sachi mohabbat naseeb farmaaye.
✨ Neeche apna feedback likhna na bhoolen!
– Jazakallahu Khair / جزاک اللہ خیر –
