Shore Mahe Nau Sun Kar
Shore Mahe Nau Sun Kar Tujh Tak Main Dawan Aaya
Saqi Main Tere Sadqe Mai De Ramzan Aaya
Is Gul Ke Siwa Har Phool Ba-Ghosh-e-Giran Aaya
Dekhegi Ae Bulbul Jab Waqt-e-Fughan Aaya
Jab Baam-e-Tajalli Par Woh Nayyir-e-Jaan Aaya
Sar Tha Jo Gira Jhuk Kar Dil Tha Jo Tapan Aaya
Jannat Ko Haram Samjha Aate To Yahan Aaya
Ab Tak Ke Har Ek Ka Mun Kehta Hoon Kahan Aaya
Taiba Ke Siwa Sab Baagh Paamaal-e-Fana Honge
Dekhoge Chaman Walo Jab Ahd-e-Khizan Aaya
Sar Aur Woh Sang-e-Dar Aankh Aur Woh Bazm-e-Noor
Zalim Ko Watan Ka Dhyan Aaya To Kahan Aaya
Kuch Naat Ke Tabqe Ka Aalam Hi Nirala Hai
Sakte Mein Padi Hai Aqal Chakkar Mein Guman Aaya
Jalti Thi Zameen Kaisi Thi Dhoop Kadi Kaisi
Lo Woh Qad-e-Be-Saya Ab Saya Kunan Aaya
Taiba Se Hum Aate Hain Kahiye To Jinan Walo
Kya Dekh Ke Jeeta Hai Jo Waan Se Yahan Aaya
Le Toq-e-Alam Se Ab Azaad Ho Ae Qumri
Chitthi Liye Bakhshish Ki Woh Sarv-e-Rawan Aaya
Nama Se Raza Ke Ab Mit Jao Bure Kaamo
Dekho Mere Palle Par Woh Ache Miya Aaya
Bad-kaar Raؔza Khush Ho Bad-kaam Bhale Honge
Woh Ache Miya Pyara Achchon Ka Miyan Aaya
شورِ مہِ نو سن کر
شورِ مہِ نو سن کر تجھ تک میں دَواں آیا
ساقی میں ترے صدقے مے دے رمضاں آیا
اس گل کے سوا ہر پھول باگوش گراں آیا
دیکھے ہی گی اے بلبل جب وقتِ فغاں آیا
جب بامِ تجَلّی پر وہ نیّرِ جاں آیا
سر تھا جو گرا جھک کر دل تھا جو تپاں آیا
جنّت کو حَرم سمجھا آتے تو یہاں آیا
اب تک کے ہر اک کا منھ کہتا ہوں کہاں آیا
طیبہ کے سوا سب باغ پامالِ فنا ہوں گے
دیکھو گے چمن والو! جب عَہْدِ خزاں آیا
سر اور وہ سنگِ در آنکھ اور وہ بزمِ نور
ظالم کو وطن کا دھیان آیا تو کہاں آیا
کچھ نعت کے طبقے کا عَالم ہی نرالا ہے
سکتہ میں پڑی ہے عقل چکر میں گماں آیا
جلتی تھی زمیں کیسی تھی دھوپ کڑی کیسی
لو وہ قدِ بے سایہ اب سایہ کناں آیا
طیبہ سے ہم آتے ہیں کہیے تو جناں والو
کیا دیکھ کے جیتا ہے جو واں سے یہاں آیا
لے طوقِ اَلم سے اَب آزاد ہو اے قُمری
چٹھی لیے بخشِش کی وہ سَروِ رواں آیا
نامہ سے رضاؔ کے اَب مٹ جاؤ بُرے کامو
دیکھو مِرے پلّہ پَر وہ اَچھے میاں آیا
بدکار رضاؔ خوش ہو بدکام بھلے ہوں گے
وہ اَچھے میاں پیارا اَچھوں کا میاں آیا
Is khoobsurat kalam ko sun’ne ke liye neeche di gayi video dekhiye.
Aapka Jazbaat Hamare Liye Qeemati Hai
Agar aapko yeh paakiza kalaam “Shore Mahe Nau Sun Kar Tujh Tak Main Dawan Aaya” pasand aaya, toh apne dil ke ehsaasat aur raaye zaroor hum tak pohunchayein.
Har comment hamare liye himmat aur dua ka sabab hai.
Apni duaon mein yaad rakhein. Allah Ta’ala hum sabko apne Habib ﷺ ki sachi mohabbat naseeb farmaaye.
✨ Neeche apna feedback likhna na bhoolen!
– Jazakallahu Khair / جزاک اللہ خیر –
Pingback: Ya Mustafa Ata Ho Phir Izn Hazri Ka - Beautiful Madina Hazri