Introduction
Hazrat Khwaja Gareeb Nawaz رَضِيَ ٱللّٰهُ عَنْهُ jinka asli naam Sayyeduna Khwaja Moinuddin Hasan Chishti Sanjari hai. Hindustan ke Sultan-ul-Hind aur Ataye Rasool ﷺ ke laqab se mashhoor hain. Aap ka paigham sirf ek mulk tak mehdood nahi, balki poori duniya mein roohani roshni ka sabab bana. Aap ki wilayat, karam aur fuyooz ki shohrat Cheen, Japan, Indonesia, Malaysia, Europepoori poori duniya tak phaili hui hai.
Har saal 6 Rajab ko Ajmer Sharif mein aap ka Urs-e-Mubarak bade adab, aqeedat aur roohani jazbaat ke saath manaya jata hai. Lakhon mureed aur aqeedatmand Ajmer Sharif mein hazir hokar barkatein hasil karte hain.
Ajmer Sharif Mein Qadam Aur Dawat-e-Islam
Hazrat Khwaja Gareeb Nawaz رَضِيَ ٱللّٰهُ عَنْهُ ko bargah-e-Risalat ﷺ se hukm hua ke aap Hindustan mein deen-e-Islam ki taleem o tableeg ka kaam farmayein. 586 Hijri mein aap Ajmer Sharif tashreef laye. Us waqt Hindustan kufr, shirk aur jahalat mein dooba hua tha. Raja Prithviraj Chauhan ki hukumat thi jahan log haq o sadaqat se door the. Aap ne apni roohani quwwat, ilm, aur akhlaq se logon ke dil jeet liye aur unhein Islam ki roshni se roshan kar diya.
Jadugar Ajaypal Jogi Ka Muqabla
Raja Prithviraj ke darbar mein aap ke tableegi kaam ki mukhalafat hui. Usne apne mashhoor Jadugar Ajaypal Jogi ko aap se muqabla karne bheja. Magar wo aap ke roohani maqam ke aage be-bas ho gaya aur shikast khakar Islam ke haqq par qail ho gaya. Yeh waqia aap ki wilayat aur haqeeqat pasandi ka zinda saboot hai.
Tabligi Zindagi Aur Akhlaq ka Paigham
Hazrat Khwaja Gareeb Nawaz رَضِيَ ٱللّٰهُ عَنْهُ ne apni zindagi Islam ki taleemat aur akhlaqe hasanah ko aam karne mein guzaar di. Aap ne nafrat aur zulm ke mahol mein muhabbat, insaniyat aur aman ka paigham diya. Hazaron log aap ke akhlaq aur asar se mutasir hokar Islam mein daakhil hue. Sultan Shahabuddin Ghauri aur Shamsuddin Altamash jaise badshah bhi aap ke murideen mein shamil hue.
Jab Se Tu Ne Qadam e Ghaus Liya Hai Sar Par Auliya Sar Pe Qadam Lete Hain Shaaha Tera
Astana e Khwaja Gareeb Nawaz
Ajmer Sharif mein aap ka aastana-e-aali roohani sukoon aur barkat ka markaz hai. Yahan ameer o gareeb, shah o faqeer sab barabar hain. Mughal badshah Akbar, Jahangir, Shahjahan, aur Aurangzeb ne bhi aap ke mazar par hazri di aur duaen maangi. Aaj bhi lakhon log Ajmer Sharif aate hain taake apni mushkilon ka hal aur roohani sukoon pa sakein.
Khwaja e Hind Wo Darbar Hai Aala Tera
Kabhi Mahroom Nahi Mangne Wala Tera
Silsila-e-Chishtiya
Aap ka paigham tha:
“Nafrat se nahi, muhabbat se jeeto.”
Aap Ki Taleemat Aur Asar
Hai Teri Zaat Ajab Bahr e Haqiqat Pyare
Kisi Tairaak Ne Paaya Na Kinara Tera
Ajmer Sharif
Agar aapko yeh Mazmoon pasand aaya ho ya aapke dil mein koi sujhaav ho, toh neeche comment zaroor karein. Aapka feedback humein behtar content banane mein madad karta hai.
Dosto ke saath bhi share karna na bhoolen!
Shukriya!
Pingback: Khawaja Garib Nawaz | Short Biography | Genealogy - Shajra Nasab - Islam Is The Great
Pingback: Hazrat Khwaja Fakhruddin Chisti - Shehzada E Garib Nawaz | Sarwar Sharif - Islam Is The Great